ಬೆಂಗಳೂರು-ಗಂಗಾವತಿ ಟ್ರೇನ್ : ಚೇಂಬರ್ ಆಫ಼್ ಕಾಮರ್ಸ ನಿಂದ ರೇಲ್ವೆ ಮ್ಯಾನೇಜರ್ ಗೆ ಮನವಿ
ಗಂಗಾವತಿ:ಬೆಂಗಳೂರು-ಹೊಸಪೇಟೆ ನಡುವೆ ಸಂಚರಿಸುತ್ತಿರುವ ರೇಲ್ವೆಯನ್ನು ಗಂಗಾವತಿ ನಗರದವರೆಗೂ ವಿಸ್ತರಿಸಬೇಕೆಂದು ನೈರುತ್ಯ ರೈಲ್ವೆಯ ಹುಬ್ಬಳ್ಳಿ ವಿಭಾಗದ, ವಿಭಾಗಿಯ ಮ್ಯಾನೇಜರ್ ಗೆ ಕೊಪ್ಪಳ ಜಿಲ್ಲಾ ಚೇಂಬರ್ ಆಫ್ ಕಾಮರ್ಸ & ಇಂಡಸ್ಟ್ರಿ ಈ ಸಂಸ್ಥೆಯ ವತಿಯಿಂದ ಮೌಖಿಕವಾಗಿ ಮನವಿ ಮಾಡಲಾಯಿತು.
ಶುಕ್ರವಾರ ಗಂಗಾವತಿ ನಗರದ ರೇಲ್ವೆ ಸ್ಟೇಷನ್ ಗೆ ಆಗಮಿಸಿದ್ದ ಅಧಿಕಾರಿಗಳಿಗೆ ಈ ಮನವಿ ಮಾಡಿದ ಸಂಸ್ಥೆಯ ಅದ್ಯಕ್ಷ ಅಶೋಕಸ್ವಾಮಿ ಹೇರೂರ ಗಂಗಾವತಿ-ದರೋಜಿ ಹೊಸ ಬ್ರಾಡ್ ಗೇಜ್ ರೇಲ್ವೆ ಲೈನ್ ಮಾರ್ಗದ ಕಾಮಗಾರಿ ಆರಂಭಿಸಲು ಲಿಖಿತ ಮನವಿ ನೀಡಿದರು.
ಮನವಿಗೆ ಸ್ಪಂದಿಸಿದ ಅಧಿಕಾರಿಗಳು ಈ ಬಗ್ಗೆ ಮೇಲಾಧಿಕಾರಿಗಳಿಗೆ ವರದಿ ಸಲ್ಲಿಸುವುದಾಗಿ ಹೇಳಿದರು.ಈ ಸಂಧರ್ಭದಲ್ಲಿ ಉದ್ಯಮಿಗಳಾದ ಶ್ರೀನಿವಾಸ ನೆಕ್ಕ೦ಟಿ,ಮುಷ್ಟಿ ವಿರುಪಾಕ್ಷಪ್ಪ , ನಾಗರಾಜ ಸ್ವಾಮಿ ಸಿದ್ರಾಂಪೂರ ಮಠ ಮತ್ತಿತರರು ಹಾಜರಿದ್ದರು.
About The Author
